بجٹ‘لوکائی لئی ودھ توں ودھ سہولتاں دواں گے،تاجر برادری نوں سہولتاں دیواں گے:عبدالحفیظ شیخ ۔۔۔٭رویل نیوز٭

لاہور (نمایندا رویل) وزیراعظم دے مشیر برائے خزانا عبدالحفیظ شیخ نے کہیا اے کہ حکومت کرونا وایرس نال پیدا ہون والی صورتحال نال نبڑن لئی فنڈز وکھ کر رہی اے‘ اگلے بجٹ وچ لوکائی نُوں ودھ توں ودھ سہولت فراہم کیتی جاوے گی‘ پاکستان ہاؤسنگ سکیم لئی 90 فیصد ٹیکس گھٹ کر دِتے گئے نیں۔ اِک انٹرویو وچ اوہناں نے کہیا کہ حکومت تاجر برادری نُوں سہولتاں فراہم کر رہی اے جو ملک وچ اقتصادی سرگرمیاں دے ودھا لئی اہم کردار ادا کر رہی اے۔ حکومت نُوں اِک ای ویلے وچ کرونا وایرس نال پیدا ہون والی صورتحال تے معیشت دے چیلنجاں دا ساہمنا اے تے اوہ قومی معیشت دے استحکام تے کرونا وایرس نال مؤثر طور اُتے نبڑن لئی کوششاں کر رہی اے۔