دیپکا نہ ہوندی تے میں وی کجھ نہ ہوندا،خاوند دا کردار نبھان دی کوشش کردا رہندا آں: اداکار رنویر سنگھ۔۔۔٭رویل نیوز٭

لاہور (نیوز ڈیسک) بھارتی فلماں دے ہیرو رنویر سنگھ نے اپنی زندگی وچ گھر والی دپیکا پڈوکون دی اہمیت دَسدیاں ہویاں تے اپنیاں کامیابیاں دا سہرا اوہناں دے سر بنھدیاں ہویاں کہیا اے کہ جے اوہ میرے نال نہ ہوندے تے میں زندگی وچ کجھ حاصل نہ کر پاندا‘ ہار جاندا۔ عالمی وباء کرونا وایرس دے پیش نظر پوری دنیا وچ لاک ڈاؤن جاری اے فنکار گھراں وچ بیٹھے ڈیجیل پلیٹ فارمز یعنی سوشل میڈیا راہیں اپنے مداحاں نال رابطے وچ نیں‘ اوہناں دے فیس بُک‘ انسٹا گرام تے ٹوئٹر اُتے لائیو سیشن راہیں انٹرویوز وی جاری نیں۔ اِک لائیو چیٹ دوران رنویر سنگھ توں سوال کیتا گیا کہ جے تہاڈی زندگی وچ دپیکا نہ ہوندے تے زندگی دا حاصل کیہ سی‘ جواب وچ رنویر دا کہنا سی کہ ”ساڈے دوہاں دے کرداراں وِچوں دپیکا دا بہتا مضبوط تے اہم کردار اے‘ خاوند دے طور اُتے اوہ اپنا کردر نبھان دی کوشش کردے رہندے نیں‘۔