عمرہ تے حریمین شریفین دی زیارت اُتے پابندی برقرار: سعودی وزارت مذہبی امور  ۔۔۔٭رویل نیوز٭

ریاض (نمایندا رویل)سعودی وزارت مذہبی امور دا کہنا اے کہ کرونا وایرس دے بعد موجودا حالات دے کارن عمرہ تے حریمین شریفین دی زیارت اُتے پابندی برقرار رہوے گی۔ سعودی نیوز ایجنسی دے مطابق وزارت حج نے اِک بیان وچ کہیا کہ عالمی وباء دی صورتحال دا جایزا لین لئی ماہرین غور کر رہے نیں تے صورتحال جویں ای بہتر ہووے گی تے ایس حوالے توں کوئی چنگا فیصلا کیتا جا سکے گا جد کہ ملک وچ معطل ہون والی معمولات زندگی ہُن ہولی ہولی بحال ہو رہی اے پر حج تے عمرہ دی بحالی دے حوالے توں حالے کوئی فیصلا نہیں ہویا اے۔ سعودی وزارت داخلا دے مطابق 21 جون نُوں مکہ مکرمہ دیاں مسیتاں نمازیاں لئی کھول دِتیاں جان گیاں جہدے بعد احتیاطی تدبیراں اُتے عمل کردیاں ہویاں باجماعت نماز ادا کیتی جاوے گی‘ حرم مکہ شریف وچ موجودا ضابطیاں دے تحت نماز ادا کرن دا سلسلا جاری رہوے گا۔ واضح رہوے کہ سعودی وزارت داخلا نے ہور شہراں وانگوں مکہ مکرمہ وچ وی کرفیو وچ نرمی دا اعلان کیتا اے جہدا اغاز 31 مئی توں ہووے گا۔