معاشرتی قدراں دی ودھوتری لئی میڈیا اپنا کردار ادا کرے:صدر پاکستان۔۔۔٭رویل نیوز٭

اسلام آباد (نمایندا رویل)صدر ڈاکٹر عارف علوی نے کہیا اے کہ قومی اُساری تے معاشرتی قدراں دے فروغ لئی میڈیا دا کردار اہم اے‘ معاشرتی مسئلے اجاگر کرٖن لئی میڈیا اپنا کردار ادا کرے۔ جمعرات نوں ایوان صدر میڈیا آفس توں جاری بیان مطابق صدر نال وفاقی وزیر سید شبلی فراز تے وزیراعظم دے معاون خصوصی لیفٹیننٹ جنرل (ر) عاصم سلیم باجوا نے ملاقات کیتی۔ ایس موقع اُتے گلبات کردیاں ہویاں صدر نے کہیا کہ صحت‘ تعلیم تے سوانیاں دے وراثت دے حقاں ورگے معاشرتی امور بارے شعور اجاگر کرن وچ وی میڈیا دا کردار اہم اے۔ صدر نے کہیا کہ معاشرتی مسئلیاں اُتے عوامی شعور اجاگر کرن لئی میڈیا اپنا کردار ادا کرے‘ سوشل میڈیا تبدیلی دا اہم عنصر اے۔