ٹک ٹاک سٹار حریم شاہ نے کہڑا انوکھا اعلان کر دِتا

اسلام آباد(نمائندا رویل)ٹک ٹاک سٹار حریم شاہ نے ویاہ دا اعلان کر دتا۔ تفصیل دے مطابق اپنے اک انٹرویو و چ ویاہ بارے پُچھے گئے سوال دے جواب وچ حریم شاہ نے آکھیا کہ میں ویاہ اپنے ماں پیو دی مرضی نال کراں گی۔اوہناں نے دسیا کہ میرے جیون ساتھی دا تعلق ملتان توں اے۔ جہدے نال ویاہ ہو جائے گا۔ حریم شاہ دے ایس اعلان نے کافی لوکاں نوں حیران کر دتا اے کیوں جے پچھلے کئی دناں توں اوہ سیاسی حلقیاں وچ وی بحث دا کارن بنیاں ہوئیاں نیں۔اوس دیاں کئی ویڈیو وائرل وی ہوئیاں نیں جہدے وچ اوہ بڑیاں سیاسی عہدیاں والے کول موجود اے ہور تے ہور پارلیمنٹ لاجز وچ وی اوہ موجود رہندی اے۔