لاہور دیاں سنگھنی  آبادیاں دے علاقے وچ کرونا روگی سبھ توں ودھ۔۔٭رویل نیوز٭

لاہور (نمایندا رویل) لاہور دیاںسنگھنیاں آبادیاں وچ کرونا روگی سبھ توں ودھ‘سمن آباد40‘ کینٹ زون دے 36 علاقیاں وچ شرح 14.7 فیصد‘ گنج بخش ٹاؤن 32‘ اقبال ٹاؤن26‘ شالیمار ٹاؤن 24‘ گلبرگ 20‘ راوی ٹاؤن 17 تے عزیز بھٹی ٹاؤن دیاں 15 آبادیاں متاثر نیں۔ محکما صحت نے کرونا سمارٹ سمپلنگ دے بعد شہر دے 10وِچوں 8 زون حساس متھ دِتے نیں۔ پوش تے گنجان آباد علاقیاں وچ سبھ توں ودھ کیسز دا انکشاف ہویا اے۔ رپورٹ مطابق کینٹ زون وچ غازی روڈ‘ والٹن روڈ تے کماہاں سنے 36‘ داتا گنج بخش زون وچ مال روڈ‘ لارنس روڈ‘ کوئنز روڈ سنے 32‘ اقبال ٹاؤن زون وچ جوہر ٹاؤن‘ واپڈا ٹاؤن سنے 26‘ شالیمار زون وچ بیگم پورا‘ گھوڑے شاہ‘ کوٹ خواجا سعید سنے 24‘ گلبرگ زون وچ ٹاؤن شپ‘ مین بلیوارڈ گلبرگ تے مغلپورا سنے 20‘ راوی زون وچ شاہدرا‘ شاہ عالم مارکیٹ سنے 17‘ عزیز بھٹی زون وچ ہربنس پرا‘ غازی آباد روڈ سنے 15 علاقے کرونا نال شدید متاثر ہوئے نیں۔