kraamaat@gmail.com
+ +92 333-430-6384


شہباز شریف نُوں ہُن باہر نہیں جان دواں گے: شبلی فراز۔۔٭رویل نیوز


نمائندا رویل June 04, 2020


اسلام آباد (نمایندا رویل) وزیر اطلاعات شبلی فراز دا کہنا اے کہ شہباز شریف دا ناں ای سی ایل وچ پان بارے کابینا وچ کوئی گل نہیں ہوئی پر ہُن ایہناں نُوں باہر دے ملک جان دی اجازت نہیں دِتی جاوے گی۔ اسلام آباد وچ پریس کانفرنس کردیاں ہویاں وزیر اطلاعات شبلی فراز دا کہنا سی کہ معیشت دے ٹڈی دل اج کل بہت ایکٹو نیں‘ شہباز شریف اسمبلی وچ ایس لئی نہیں آندے کیوں جے اوہناں نُوں کرونا وایرس دا خطرا اے‘ کرونا دے پچھے لُکن والے ملک دے خیر خواہ نہیں‘ عدالت توں ایہناں نُوں اپنی ضمانت یاں سٹے آرڈر ملے جائے تے ایہ انج نکلدے نیں جویں کشمیر فتح کیتا ہووے۔ وفاقی وزیر دا کہنا سی کہ ماضی وچ ملک دی معیشت سنے سارے قومی اداریاں نُوں تباہ کر دِتا گیا تے ہُن نا انصافی دا رونا رو رہے نیں۔