سٹیل ملز بحران،سارے ملازماں نوں  نوکریوں فارغ کرن دی منظوری،ہر ملازم نُوں 23 لکھ رُپئے دِتے جان گے:وفاقی حکومت۔۔٭رویل نیوز٭

اسلام آباد (بیورو رپورٹ) وفاقی حکومت نے پاکستان سٹیل ملز بحران دے حل لئی وڈا فیصلا کر لیا‘ اقتصادی رابطا کمیٹی نے ادارے وچ کم کرن والے سارے ملازماں نُوں گھر گھلن دی منظوری دے دِتی‘ پلان اُتے عملدرآمد لئی 250 ملازمین حالے کم کردے رہن گے جد کہ فارغ ہوون والے ملازماں لئی 18 ارب دی منظوری دِتی گئی اے جہدے تحت ہر ملازم نُوں فی کس 23 لکھ رُپئے دِتے جان گے۔ تفصیلات دے مطابق بدھ والے دن مشیر خزانا عبدالحفیظ دی صدارت ہیٹھ اقتصادی رابطا کمیٹی دا جلاس ہویا جہدے وچ سٹیل ملز ملازمین فارغ کرن سنے اہم فیصلیاں دی منظوری دِتی گئی۔ ای سی اجلاس وچ مختلف محکمیاں دیاں سپلیمنٹری گرانٹس دی منظوری سنے ویسٹرن بارڈر مینجمنٹ لئی 8 ارب 84 کروڑ رُپئے دی تکنیکی گرانٹ دی منظوری دِتی گئی‘ ایہ رقم سول آرمڈ فورسز دی استعداد کار بہتر بنان اُتے خرچ کیتی جاوے گی جد کہ اجلاس وچ ایف بی آر لئی 20 کروڑ رُپئے دی تکنیکی گرانٹ وی منظور کیتی گئی۔ ای سی سی نے سٹیل مل دے ملازماں نُوں فارغ کرن دی منظوری دے دِتی‘ سٹیل ملز دے ملازماں نُوں گولڈ ہینڈ شیک دِتا جاوے گا‘ 9 ہزار 350 ملازماں نُوں اِک مہینے دے نوٹس اُتے فارغ کیتا جاوے گا‘ پاکستان سٹیل دے ملازماں لئی 18 ارب دی منظوری دِتی گئی اے جہدے مطابق فارغ ہون والے ملازماں نُوں فی کس گھٹ توں گھٹ 23 لکھ رُپئے دِتے جان گے جد کہ پلان اُتے عملدرآمد لئی 250 ملازمین کم کر دے رہن گے۔