پنجاب بورڈ آف ٹیکنیکل ایجوکیشن:ریگولر پڑھیاراں نُوں پروموٹ کیتا جاوے گا‘ پرائیویٹ دا امتحان لیا جاوے گا۔۔٭رویل نیوز٭

لاہور (نیوز ڈیسک) پنجاب بورڈ آف ٹیکنیکل ایجوکیشن نے امتحانی فیساں وچ کمی کر دِتی۔ ترجمان پنجاب بورڈ آف ٹیکنیکل ایجوکیشن دا کہناسی کہ فیساں وچ 40 فیصد کمی کیتی گئی اے جہدے بعد داخلا فیساں 15 جون تک جمع کروائیاں جا سکدیاں نیں۔ ایہدے علاوا ترجمان ولوں ہور دَسیا گیا کہ سارے ریگولر پڑھیاراں نُوں حکومتی پالیسی مطابق پروموٹ کیتا جاوے گا جد کہ پرائیویٹ پڑھیاراں دا مناسب ویلے وچ امتحان لیا جاوے گا۔ فیساں وچ 40 فیصد کمی صوبائی وزیر صنعت میاں اسلم اقبال دی ہدایت اُتے کیتی گئی اے جد کہ پنجاب بورڈ آف ٹیکنیکل ایجوکیشن نے ایس حوالے توں باقایدا نوٹیفکیشن جاری کر دِتا اے۔ خیال رہوے کہ ایس ویلے کرونا دی وجھا توں پورے پاکستان وچ نظام اُتھل پُتھل ہویا اے۔