پنجاب سرکار دا سموگ کارن سکولاں وچ 2چھٹیاں دا اعلان

لاہور(نمائندا رویل)پنجاب سرکار دا سموگ کارن سکولاں وچ 2چھٹیاں دا اعلان کیتا اے۔ سکولاں نوں بند رکھن دا فیصلا سموگ دی شدت کارن کیتا گیا، لاہور، گوجرانوالا تے فیصل آباد وچ دو دِناں لئی سکول بند رہن گے۔ ترجمان پنجاب حکومت دے مطابق وزیر تعلیم پنجاب دی ہدایت اُتے محکما تعلیم پنجاب نے سکولاں وچ سموگ کارن دو چھٹیاں دا اعلان کر دتا اے۔یاد رہوے کہ اج سموگ نے لاہور شہر نوں اپنی ولھیٹ وچ لِتے رکھیا۔جہدی وجھا توں لوکاں نوں اوکڑاں دا ساہمنا کرنا پیا۔