ٹائیگر فورس توں کرونا وباء دے نال نال ٹڈی دل دے خاتمے لئی  خدمتاں لئیاں جاون گیاں:وزیراعظم عمران خان۔۔۔٭رویل نیوز٭

اسلام آباد (نیوز ڈیسک) وزیراعظم عمران خان نے کہیا اے کہ ٹائیگر فورس نُوں قومی سطح اُتے بھرویاں خدمتاں دا موقع دواں گے‘ ایہناں توں کرونا وباء دے نال نال ٹڈی دلے دے خاتمے لئی خدمتاں لئیاں جان گیاں‘ پٹرولیم سیکٹر وچ بہتری تے لوکائی نُوں ریلیف دین لئی ریفارمز د عمل نُوں ہور تیز کیتا جاوے۔ تفصیلات دے مطابق زیراعظم عمران خان نال معاون خصوصی عثمان ڈار تے ندیم بابر نے وکھری وکھری ملاقات کیتی۔ عثمان ڈار نے وزیراعظم نُوں کامیاب جوان پروگرام تے ٹائیگر فورس باتے معاملات اُتے تفصیلی بریفنگ دِتی۔ عثمان ڈار نے دَسیا کہ احساس پروگرام دے تیجے مرحلے لئی وی نوجواناں نُوں حکومت نال تعاون دا موقع دِتا جاوے گا‘ 1 لکھ 65 ہزار رضا کاراں نے دِتیاں گئیاں ذمے داریاں نُوں سر انجام دِتا‘ پنجاب توں 1 لکھ 36 ہزار توں ودھ نوجواناں نے سرگرمیاں وچ حصا لیا‘ خیبر پختونخوا توں 23 ہزار توں ودھ نوجواناں نے حکومت دی معاونت کیتی‘ زیادا تر نوجوناں دی گنتی پڑھے لکھے بندیاں اُتے مشتمل اے‘ وزیراعظم نے چھیتی رضا کار فورس دے نوجواناں نال اہم خطاب دی یقین دہانی کرواندیاں ہویاں کہیا کہ ٹائیگر فورس توں ہور محاذاں اُتے قومی خدمتاں حاصل کیتیاں جان گیاں‘ ٹائیگر فورس توں کرونا وباء دے نال نال ٹڈی دل دے خاتمے لئی خدمتاں لئیاں جان گیاں‘ قومی رضا کاراں نُوں ممکنا سیلابی صورتحال تے کلین اینڈ گرین مہم لئی وی ٹاسک سونپیا جاوے گا‘ نوجوان رضا کار مستقبل وچ وی قومی معاملات وچ معاونت کرن گے‘ نوجواناں نُوں قومی سطح اُتے خدمتاں دا بھرواں موقع دِتا جاوے۔ ایس توں بعد وزیراعظم نال معاون خصوصی ندیم بابر نے ملاقات کیتی تے پٹرولیم سیکٹر وچ جاری اصلاحات دے عمل و چ ٹورا کاری اُتے بریف کیتا۔ وزیراعظم نے ہدایت کیتی کہ پٹرولیم سیکٹر وچ ریفارمز دے عمل نُوں ہور تیز کیتا جاوے تاں جے شعبے وچ بہتری تے لوکائی نُوں ریلیف مل سکے۔