حکومت شہباز شریف دے خوف وچ اے: مریم اورنگزیب۔۔۔٭رویل نیوز٭

اسلام آباد (نمایندا رویل) ترجمان ن لیگ مریم اورنگزیب نے کہیا اے کہ پوری حکومت تے کرائے دے ترجمان شہباز شریف دے خوف وچ مبتلا نیں‘ اپوزیشن لیڈر اُتے آشیانا‘ 56 کمپنیاں تے صاف پانی سنے سارے کیسز وچ جہڑے الزامات لائے گئے نیں اوہ جھوٹھے تے من گھڑت نیں‘ نیب نیازی گھٹ جوڑ جو چاہندا اے کہ شہباز شریف ہفتے وچ 2 وار پیش ہون‘ آپ پیش نہیں ہوندے‘ پیشی دی واری آندی اے عدالتی بوہے توں مفرور ہو جاندے نیں۔ اوہناں نے ہور کہیا کہ کرونا دے معاملے اُتے اپوزیشن حکومت نال ہر ممکن تعاون لئی تیار سی پر کرائے دے ترجمان نُوں کسے دی عزت دا خیال نہیں‘ اج پنجاب وچ کاروبار تے مارکیٹاں بند کیتیاں جا رہیاں نیں۔