سرکار دا دھیان،کرونا وایرس اُتے نہیں شہباز شریف اُتے اے:  احسن اقبال دی گلبات۔۔۔٭رویل نیوز٭

اسلام آباد (نمایندا رویل) مسلم لیگ ن دے آگو احسن اقبال نے کہیا اے کہ حکومت دی توجا کرونا نُوں قابو کرن اُتے نہیں سگوں شہباز شریف اُتے اے۔ میڈیا نال گلبات کردیاں ہویاں مسلم لیگ ن دے مرکزی آگو نے کہیا کہ قومی احتساب بیور و(نیب) نے عدالتی فیصلے دا نتظار کیتے بغیر چھیتی نال کم لیا۔ قائد حزب اختلاف شہباز شریف نیب چھاپے دے ویلے گھر اُتے نہیں سن۔ اوہناں نے کہیا کہ عدالت دے پچھلے دن سڑکاں اُتوں رکاوٹاں ہٹان دا کہیا سی پر حکومت دی توجا کرونا نُوں قابو کرن اُتے نہیں سگوں شہباز شریف اُتے اے۔ نواز شریف تے شہباز شریف عدالتاں وچ پیش ہوندے رہے۔ اوہناں نے کہیا کہ سانوں آن والے بجٹ نُوں نظر انداز نہیں کرنا چاہیدا کیوں جے ایہ معمولی بجٹ نہیں اے۔