اپوزیشن آگو نہیں آ سکدے تے آپ اوہناں کول جاواں گا:   شاہ محمود قریشی۔۔۔٭رویل نیوز٭

لاہور (نیوز ڈیسک) وزیر خارجا شاہ محمود قریشی نے قومی نوعیت دے معاملات اُتے مذاکرات لئی مسلم لیگ (ن) دے صدر شہباز شریف تے پاکستانی پیپلز پارٹی (پی پی پی) دے چیئرمین بلاول بھٹو زرداری نُوں دعوت دے دِتی۔ نجی پروگرام وچ گلبات کردیاں ہویاں وزیر خارجا نے کہیا کہ اوہ چھیتی سارے آگوواں نُوں وزارت خارجا آن دی دعوت دین گے۔ اوہناں دا کہنا سی کہ جے اپوزیشن آگو نہیں آ سکدے تے اوہ آپ اوہناں دے کول چلے جان گے۔ محمود قریشی نے کہیا کہ ایہدا مقصد ایہ اے کہ بھارت دے نال حالیا کشیدگی دیاں وجھاں اُتے اپوزیشن نوں اعتماد وچ لیا جا سکے۔