اسحاق ڈار دا گھر پنجاب سرکا ر نوں کیوں دِتا جا رہیا اے

لاہور(نمائندا رویل)چیئرمین نیب جسٹس(ر) جاوید اقبال دا آکھنا اے کہ اسحاق ڈار دا گھر پنجاب سرکار نوں دتا جا رہیا اے، چار کنال دے گھر دی رقم قومی خزانے وچ جمع کروائی جائے گی، اسحاق ڈار دے اکاؤنٹس وچوں 50کروڑ رُپئے صوبائی حکومت دے حوالے کیتے۔ اوہناں نے اج گل بات کردے ہوئے دسیا کہ اسحاق ڈار دا گلبرگ وچ چار کینال دا گھر پنجاب سرکار نوں دتا جا رہیا اے۔چیئرمین نیب نے آکھیا کہ اکرام نوید کولوں اک ارب مالیت دی جائیداد برامد کیتی۔اوہناں نے آکھیا کہ میگا کرپشن دیاں تحقیقات وچ کوتاہی برداشت نہیں ہوئے گی۔نیب افسر کسے اُتے دباء پائے بغیر اپنا فرض نبھان گے۔