کرونا دا شکار روبینہ اشرف دی صحت  واسطے دُعاواں: منشا پاشا۔۔۔٭رویل نیوز٭

کراچی (نمایندا رویل) عالمی وباء کرونا وایرس دا شکار ہون والی پاکستان دی لیجنڈری اداکارا روبینہ اشرف لئی شوبز انڈسٹری دے نامور فنکاراں ولوں صحت دیاں دُعاواں کیتیاں جا رہیاں نیں۔ کرونا وایرس دے پیش نظر آئی سی یو وچ علاج ہیٹھ روبینہ اشرف دی صحتیابی لئی دُعا کردیاں ہویاں منشا پاشا نے ٹویٹر اُتے جاری کردا اپنے پیغام وچ کہیا کہ مینوں امید اے کہ روبینہ اشرف جی چھیتی ای صحت یاب ہو جان گے۔ اعجاز اسلم نے ٹویٹر اُتے روبینہ اشرف دی تصویر شیئر کردیاں ہویاں اوہناں دی چھیتی صحت یابی لئی دُعا کیتی۔ ماہرہ خان نے ہمایوں سعید دے ٹویٹ دا جواب دیندیاں ہویاں کہیا کہ ”انشاء اللہ‘‘ روبینہ اشرف بڑی چھیتی ٹھیک ہو جان گے۔