kraamaat@gmail.com
+ +92 333-430-6384
نمائندا رویل
June 09, 2020
لاہور (نیوز ڈیسک) بزدار حکومت دا تحسین جوگ تے علم دوست اقدام‘ سرکاری خزانے توں 1 رُپیا خرچ کیتے بغیر 1227 سکولاں دی اپ گریڈیشن کر دِتی گئی۔ محکما تعلیم نے سکولاں دی اپ گریڈیشن دا نوٹیفکیشن وی جاری کر دِتا۔ وزیر اعلا عثمان بزدار دی صدارت ہیٹھ وزیر اعلا آفس وچ اعلا سطح دا اجلاس منعقد ہویا۔ وزیر اعلا نے اجلاس نال خطاب کردیاں ہویاں کہیا کہ پورے صوبے وچ پڑھیاراں دے 606 تے پڑھیارناں دے 621 سکول اپ گریڈ کیتے جا رہے نیں۔ اوہناں نے کہیا کہ پہلے مرحلے وچ ایلیمنٹری سکولاں نُوں سیکنڈری لیول اپ گریڈ کرن نال 1 لکھ توں ودھ پڑھیار تے پڑھیارناں مستفید ہون گیاں جد کہ دوجے مرحلے وچ سیکنڈری سکولاں نُوں ہائر سکینڈری لیول اُتے اپ گریڈ کیتا جاوے گا۔
