لوک مر رہے نیں تے وزیراعظم لاک ڈاؤن خلاف گلاں کر رہے نیں: شیری رحمان۔۔۔٭رویل نیوز٭

اسلام آباد (نمایندا رویل) پاکستان پیپلز پارٹی دی نائب صدر سینیٹر شیری رحمان نے وزیراعظم عمران خان دے خطاب اُتے ردِ عمل دیندیاں ہویاں کہیا اے کہ عمران خان دی ضد دی انتہا اے کہ لوک مر رہے نیں تے اوہ لاک ڈاؤن دے خلاف گلاں کر رہے نیں‘ اوہناں نے کہیا کہ خان صاحب‘ ہُن لاک ڈاؤن کرن دا ویلا لنگھ گیا‘ کرونا وایرس قابو توں باہر ہو چکیا اے‘ غریب تے بہانا سی‘ لاک ڈاؤن دا خاتما کر کے عمران خان نے بڑے کاروباریاں نُوں فایدا پہنچایا اے‘ شیری رحمان نے کہیا کہ دنیا دے ہور ملکاں وچ جتھے لاک ڈاؤن ختم ہویا‘ اوتھے پہلے کرونا وایرس اُتے قابو پایا گیا‘ ایس او پیز اُتے انحصار دا مطلب اے کہ لوکائی کرونا نال آ پ نبڑے‘ حکومت کجھ نہیں کرے گی۔