پاکستان وچ سائبر کرائم وچ خوفناک حد تک وادھا۔۔۔٭رویل نیوز٭

اسلام آباد (بیورو رپورٹ) پاکستان وچ چالو سال دے 5 مہینیاں وچ سائبر کرائم دی شرح وچ خوفناک حد تک وادھا ہویا اے۔ سوشل میڈیا راہیں چالو سال دے پنج مہینیاں دوران 11 ہزار بندیاں تے سوانیاں نُوں نشانا بنایا گیا۔ ریکارڈ دے مطابق 5 مہینیاں دے دوران 8 ہزار 2 سو 65 سوانیاں نُوں فیس بک راہیں بلیک میل تے حراساں کیتا گیا۔ چالو سال سوانیاں نُوں جعلی اکاؤنٹ بنا کے بلیک میل کرن دیاں 1900 25 شکایتاں موصول ہوئیاں۔ دستیاب ریکارڈ دے مطابق واٹس ایپ راہیں 3 ہزار 6 سو 19 بندیاں تے سوانیاں نُوں بلیک میل کرن دے واقعات رپورٹ ہوئے۔ چالو سال دے 5 مہینیاں دے دوران سوشل میڈیا اکاؤنٹ نُوں ہیک کرن دیاں 5 ہزار 8 سو 83 شکایتاں موصول ہوئیاں۔