ملک وچ سماجی،معاشی ترقی دا مُڈھ بھج  گیا:آرمی چیف

راولپنڈی(نمائندا رویل) آرمی چیف جنرل قمر جاوید باجوہ نے آکھیا اے کہ سکیورٹی فورسز دیاں کوششاں کارن ملک وچ سماجی تے معاشی ترقی دا مرحلا شروع ہو گیا اے۔ پاک فوج دے تعلقات عامہ (آئی ایس پی آر) دے شعبے دا کہنا اے کہ آرمی چیف جنرل قمر جاوید باجوہ نے فرنٹیئر کور ہیڈ کوارٹر خیبرپختونخوا دا دورا کیتا، جتھے یادگار شہداء اُتے حاضری دتی تے پُھل چڑھائے۔ایس موقعے اُتے آرمی چیف نے خیبرپختونخوا خاص طور اُتے فاٹا وچ مضبوطی لیاون اُتے ایف سی جواناں تے افسراں دیاں سیواواں نوں سلاہیا، شہیداں تے اوہناں دے خانداناں نوں خراج تحسین پیش کیتا۔