پٹرول بحران حکومتی نظام مفلوج ہون دی نشانی اے: شہباز شریف۔۔۔٭رویل نیوز٭

لاہور (نمایندا رویل) پاکستان مسلم لیگ (ن) دے صدر تے اپوزیشن لیڈر قومی اسمبلی شہباز شریف نے کہیا اے کہ ملک وچ پٹرول دا بحران حکومتی نظام دے مفلوج ہون دی نشانی اے‘ حکومت پٹرولیم کمپنیاں دے نال بَہ کے فوری حل کڈھے‘ لوکائی نُوں سزا نہ دِتی جاوے۔ اپنے بیان وچ اوہناں نے پٹرولیم دے شعبے دے نال ڈالر‘ معیشت تے گیس دے شعبے والی سنگین غلطی دُہرائی جا رہی اے۔ پٹرولیم مصنوعات دیاں قیمتاں وچ تواریخی کمی دے باوجود حکومت لوکائی نُوں ریلیف نہیں دے سکی۔ لوکائی حیران اے کہ دنیا وچ تیل دیاں قیمتاں منفی وچ جا چکیاں نیں‘ پر پاکستان وچ تیل نایاب ہو چکیا اے۔ کرونا کارن اِک دوجے توں فاصلے اُتے رہن دی لوڑ دے دوران پٹرول دی تھوڑ نے ہر تھاں لوکائی دے ہجوم لا دِتے نیں۔