گھر والی دے عشق وچ پاگل ہو کے شاہ رخ خان فلماں چھڈن نُوں تیار سن۔۔۔٭رویل نیوز٭

لاہور (نمایندا رویل) بھارتی اداکار شاہ رخ خان نے انکشاف کیتا اے کہ اوہ اپنے کیریئر دے اغاز ای وچ اپنی گھر والی گوری خان دے عشق وچ پاگل ہو کے فلماں چھڈن لئی تیار ہو گئے سن۔ بھارتی فلم انڈسٹری وچ اداکار شاہ رخ خان تے اوہناں دی گھر والی انٹیرئیر ڈیزائنر گوری خان نُوں اِک کامیاب جوڑی دی حیثیت حاصل اے‘ شاہ رخ خان تے گوری خان 3 بچیاں دے ماپے نیں‘ ایہ گل وی کسے توں لُکی نہیں کہ شادی توں پہلے شاہ رخ تے گوری اِک دوجے نال بے انتہا محبت کردے سن۔ شاہ رخ دا اِک انٹرویو دوران کہنا سی کہ جے مینوں کدی گھر والی یاں کیریئر وِچوں کسے اِک نُوں منتخب کرن دا پُچھیا گیا تے میں فلماں چھڈ دواں گا‘ میں پاگل ہو جاواں گا پر اپنی گھروالی لئی۔