میری دِلی سدھر اے کہ ایس ورھے حج کراں ٭ رب دے حضور گڑ گڑا کے دُعاواں کراں گا:  افتخار ٹھاکر ۔۔۔٭رویل نیوز٭

لاہور (نیوز ڈیسک) سینئر کامیڈین اداکار افتخار ٹھاکر نے کہیا اے کہ میری دلی سدھر اے کہ میں ایس سال وی حج دی سعادت حاصل کراں تے اپنے رب دے حضور گڑ گڑا کے اپنے تے پوری امت مسلما لئی دُعاواں منگاں۔ اِک انٹرویو وچ افتخار ٹھاکر نے کہیا کہ اللہ دے گھر جان دا سوچ کے ای ایہو جہی روحانی خُشی محسوس ہوندی اے جہنوں الفاظ نہیں دِتے جا سکدے۔ جہڑا بندا اِک واراپنے رب دے گھر توں ہو آندا اے اوہدا دل چاہندا اے کہ اوہنوں وار وار ایہ سعادت نصیب ہووے۔ افتخار ٹھاکر نے کہیا کہ میں کئی وار حج دی سعادت حاصل کر چُکیا آں پر ہر سال جدوں وی حج دا موقع آندا اے میرے دل وچ دُبارا توں خاہش جاگ اُٹھدی اے۔