پاکستان تے آئی ایم ایف وچکار بجٹ مذاکرات،تنخاہواں تے پنشن ودھاون  بارے اتفاق   ۔۔۔٭رویل نیوز٭

اسلام آباد (بیورو رپورٹ) پاکستان تے عالمی مالیاتی ادارے (آئی ایم ایف) دے وچکار بجٹ مذاکرات وچ تنخاہواں تے پنشن ودھاون اُتے اتفاق کر لیا گیا۔ اکتوبر 2020 تک بجلی تے گیس وی مہنگی نہیں ہووے گی‘ بجٹ کسارا قابو کرن لئی متبادل آمدن اُتے اتفاق ہو گیا۔ وزارت خزانا دے وسیلیاں دے مطابق آئی ایم ایف دے نال مالی سال دی پہلی شماہی وچ ریلیف اُتے آمدگی دا اظہار تے بجٹ کسارا قابو کرن لئی متبادل آمدن اُتے اتفاق ہو گیا اے‘ آئی ایم ایف نُوں یقین دہانی کروائی گئی اے کہ پاکستان نان ٹیکس آمدن ودھائے گا۔ وسیلیاں مطابق آئی ایم ایف اگلے مالی سال دی پہلی شماہی تک شرطاں وچ نرمی کرے گا تے وفاقی حکومت سٹیٹ بینک توں قرض نہ لین دی شرط برقرار رکھے گی۔ وزارت خزانا حکام نے آئی ایم ایف نُوں یقین دہانی کروائی کہ موجودا قرض پروگرام دیاں بیشتر شرطاں اکتوبر دے بعد پوریاں ہون گیاں‘ پاکستان موجودا قرض پروگرام اُتے کار بند رہوے گا۔