تِن ہزار ارب رُپئے دے کسارے دا بجٹ تیار ،  ملازماں دیاں تنخاہواں تے پنشن 20 فیصد ودھ سکدیاں نیں۔۔۔٭رویل نیوز٭

اسلام آباد (بیورو رپورٹ) حکومت نے 7 ہزار 570 ارب رُپئے دے وفاقی بجٹ دا مسودا تیار کر لیا جہدے وچ کسارا 3 ہزار ارب رُپئے دے نیڑے اے‘ میڈیا رپورٹاں مطابق بجٹ چالو ہفتے وفاقی کابینا وچ پیش کیتا جاوے گا جہدی منظوری دے بعد 12 جون نُوں پارلیمنٹ وچ پیش کیتا جاوے گا‘ سرکاری ملازماں دیاں تنخاہواں تے پنشن و چ 20 فیصد تک وادھے دا امکان اے جد کہ زراعت‘ توانائی دے منصوبیاں لئی درآمدی مشینری اُتے کسٹمز‘ ایکسائز ڈیوٹیز وچ 3 فیصد تک کمی متوقع اے۔ سٹاک مارکیٹ دے ٹیکساں وچ وی سہولت دِتی جاوے گی۔ ٹیکس وصولیاں دا ہدف ساڈھے 4 ہزار ارب تے ترقیاتی بجٹ 530 ارب رُپئے تک مختص ہون دا امکان اے۔