پورے ملک وچ امتحانات ملتوی کرن دی ہدایت،وزارت تعلیم نے ساریاں صوبائی حکومتاں نُوں اگاہ کر دتا۔۔۔٭رویل نیوز٭

لاہور (نمایندا رویل) قومی رابطا کمیٹی نے پورے ملک وچ شیڈول‘ غیر شیڈول پرچے ملتوی کرن دی ہدایت کر دِتی۔ وزارت تعلیم نے ساریاں صوبائی حکومتاں نُوں اگاہ کر دِتا۔ سیکرٹری تعلیم نے چاراں صوبیاں‘ گلگت بلتستان تے ازاد کشمیر حکومتاں نُوں وی خط لکھ دِتے۔ سیکرٹری تعلیم دا کہنا اے کہ کجھ تعلیمی اداریاں تے مدرسیاں نے ایس او پیز دے نال جون‘ جولائی وچ پرچے لین دی درخاست کیتی سی۔ اوہناں نے کہیا کہ ایہ ویلا پرچے لین لئی ٹھیک نہیں اے‘ قومی رابطا کمیٹی نے پورے ملک وچ سارے پرچے ملتوی کیتے۔ سیکرٹری تعلیم نے کہیا کہ صوبائی حکومتاں ایس گل نُوں یقینی بنان کہ کوئی امتحان نہ ہووے۔