ورلڈ پنجابی فورم،روزن ادبی فورم اَتے جگت پنجابی سبھا  ولوں پنجابی کتاباں تے انعام دین دا فیصلا۔۔۔۔٭رویل نیوز٭ 

گجرات(نمایندا رویل)ورلڈپنجابی فورم،روزن ادبی فورم تے جگت پنجابی سبھا دی چَھتر چھاویں ”پنجابی(شاہ مکھی)“کتاباں دے انعامی مقابلے دا اعلان کیتا گیا اے۔اس وچ 2019ء دیاں چھپیاں کتاباں شامل کیتیاں جان گیاں۔مقابلے لئی ہر کھیتر وچ چار کتاباں داگھلنا ضروری اے۔مقابلا چھے کھیتراں (شعری ادب،نثری ادب،کھوج پرکھ،دینی ادب،بال ادب تے ترجما/لپی انتر)وچ ہووے گا۔انعام دی ونڈ کجھ ایس طرحاں کیتی گئی اے۔پہلا انعام (تِن ہزار روپیے+سرٹیفیکیٹ)دوجا انعام(دو ہزار روپیے+سرٹیفیکیٹ)تیجا انعام(اک ہزار روپیے+سرٹیفیکیٹ)۔کتاباں 30جون2020ء تک گھلیاں جا سکدیاں نیں۔25ستمبر2020نوں نتیجے دااعلان کیتا جائے گا تے 30ستمبر2020ء نوں ”انعامی تقریب“گجرات وچ ہووے گی۔رابطے لئی افضل راز،چیف ایڈیٹر:تماہی کانگاں،روزن بلڈنگ ریلوے روڈ گجرات(موبائل:0300-9625108)۔