ہُن کیہ کریئے

ہن کیہ کریئے۔۔۔۔

سارے رستے نھیریاں ول نوں جاندے سی۔۔۔۔۔

اسیں تے یارو ڈر کے رُک گئے۔۔۔

اپنے آپ دے اندر لُک گئے۔۔۔۔

چوک چوراہے بیٹھیاں، اَرباں سال گُزر گئے۔۔۔۔۔

ہمت نہیں سی اگے ودھدے۔۔۔۔

کلّے ای ساں کس نوں سدھدے۔۔؟

فیر اک آس دا دیوا جگیا۔۔۔۔

سانوں اپنا راہبر لگیا۔۔۔۔۔

انگلی پھڑ لئی۔۔۔۔ ننگی پیریں اوہدے پچھے پچھے ٹُر پئے۔۔۔۔

لکھاں سال مسافت کیتی۔۔۔

کیہ کیہ ہویا کیہ کیہ بیتی۔۔۔

اوہ وی نھیریاں دا واسی سی۔۔۔

نھیریاں دا شوقین پرانا۔۔۔۔۔

آکھن لگا ایس توں اگے کجھ وی نہیں ہن۔۔۔۔۔۔۔

ایتھوں تک ای آنا سی بس۔۔۔۔۔۔

سوچ رہیاں ہاں۔۔۔۔

ہن کیہ کریے۔۔۔۔۔ زندارہنا اے کہ مرئیے۔۔۔۔۔