قومی ٹیسٹ کرکٹرز یونس تے مشتاق احمد دی تقرری اُتے خُش، یونس خان دے تجربے توں بھرپور فایدا چکن دی کوشش کراں گے: اظہر علی ---٭رویل نیوز٭

لاہور(نمایندا رویل) قومی ٹیسٹ کرکٹ ٹیم دے ستاریاں نے دورا انگلینڈ لئی یونس خان تے مشتاق احمد دیاں تقرریاں اتے خشی دا اظہار کیتا اے۔ ایس موقع اتے اظہر علی نے آکھیا کہ اوہ یونس خان نال کئی ٹیسٹ میچاں وچ پاکستان دی نمایندگی کرنا اپنی خش قسمتی سمجھدے نیں اوہناں دے خیال وچ یونس خان اوہ نان انگلش بیٹشمن نیں جہناں پچھلیاں 2 دہائیاں وچ انگلینڈ دی کنڈیشنز وچ مسلسل رنز بنائے، اوہناں دی بہترین تکنیک، ذہنی پختگی تے میچ دوران ہر لمحا بدلدی صورتحال دا جایزا لین دی صلاحیت پاروں یونس خان نے میدان اندر تے باہر حریف ٹیماں اتے اپنی دھاک بٹھائی۔ یونس خان دی تقرری درحقیقت نوجوان کھڈاریاں لئی اپنیاں صلاحیتاں وچ نکھار لیان دا بہترین موقع اے۔