سرفراز احمد دی قومی ٹیم وچ واپسی‘ عامر‘ حسن‘ حارث شامل نہیں، انگلینڈ دے دورے لئی پاکستانی 29رکنی سکوارڈ دا اعلان:۔۔۔٭رویل نیوز٭

لاہور(نمایندا رویل) انگلینڈ خلاف ٹیسٹ تے ٹی ٹونٹی سیریز لئی قومی کرکٹرز دے وسیع سکوارڈ دا انتخاب کیتاگیا اے۔ جہدے وچ سابق کپتان سرفراز احمد دی وی ٹیم وچ واپسی ہوئی اے۔ انڈر 19 کرکٹ ٹیم دے بیٹسمن تے ابھردے نوجوان کرکٹر حیدر علی نوں قومی سکوارڈ وچ شامل کرلیا گیا اے۔ فاسٹ بالر حسن علی، محمد عامر تے مڈل آرڈر بیٹسمن حارث سہیل انگلینڈ دے دورے لئی سلیکشن لئی دستیاب نہیں سن۔ حسن علی لک دی انجری تے محمد عامر دوجے بچے دی پیدایش پاروں دستیاب نہیں سن جد کہ حارث سہیل نے کرونا دی وبا دے پیش نظر انگلینڈ دے دورے لئی اپنی دستیابی ظاہر نہیں کیتی سی۔ حارث سہیل توں وکھ سینٹر کنٹریکٹ وچ شامل سارے کھڈاریاں نوں سکوارڈ وچ شامل کیتاگیا اے۔