بال مزدوری  ودھن دا دھڑکو،بحران دوران  بالاں لئی ضروری اقدامات کیتے جان: اقوام متحدا۔۔۔٭رویل نیوز٭

جنیوا (اُچیچا نمایندا) اقوام متحدا دے دو اداریاں عالمی ادارا برائے محنت تے بچیاں دے حوالے توں ادارا یونیسف نے کہیا اے کہ پوری دنیا وچ کرونا لاک ڈاؤن دے کارن کساد بازاری نال ہور کئی ملین بچے چائلڈ لیبر دا شکار ہو سکدے نیں‘ بحران دے دوران بچیاں دیاں سکولاں دیاں فیساں ختم کرن سنے ہور ضروری اقدامات کیتے جان‘ جہناں وچ غریب خانداناں دے معاشرتی تحفظ لئی اوہناں نُوں مالی امداد دی فراہمی وی شامل اے۔ دوہاں اداریاں ولوں جاری سانجھے بیان مطابق 2000 توں ہُن تک بال مزدوری دے شکار بچیاں دی گنتی وچ 94 ملین (9 کروڑ 40 لکھ) دی کمی آئی‘ پر کرونا وایرس دے نتیجے وچ پیدا ہون والا عالمی بحران تے کساد بازاری بچیاں نُوں دُبارا بال مزدوری اُتے متوجا کر سکدے نیں۔