کھنڈ ستّر رُپئے کلو دے حکم اُتے عملدرآمد ہووے گا۔ناجایز منافع کمان والیاں نال سختی نال نبڑاں گے: عبدالعلیم خان

لاہور (نمایندا رویل) سینئر صوبائی وزیر خوراک عبدالعلیم خان نے کہیا اے کہ کھنڈ دی فی کلو قیمت 70 رُپئے دے فیصلے اُتے مکمل عملدرآمد ہووے گا۔ صوبائی وزیر دے مطابق پورے پنجاب وچ انتظامیا نُوں واضح ہدایتاں جاری کر دِتیاں گئیاں نیں۔ وزیراعظم عمران خان دی ذاتی دلچسپی نال کھنڈ دی قیمت وچ نمایاں کمی کیتی جا رہی اے۔ کسے نُوں بنیادی لوڑی دیاں شیواں وچ بے جا وادھا نہیں کرن دواں گے‘ سینئر صوبائی وزیرنے اپنے بیان وچ کہیا اے کہ پٹرول دے بعد کھنڈ دیاں قیمتاں وچ واضح کمی انتہائی چنگی گل اے۔ شہریاں نُوں سارے شعبیاں وچ خاطر خواہ ریلیف حاصل ہووے گا۔ علیم خان نے کہیا کہ کھنڈ دے ناں اُتے ناجایز منافع کمان والیاں نال سختی نال نبڑاں گے۔