شوگر ملز ایسوسی ایشن دا کھنڈ دی قیمت گھٹ کرن توں انکار۔۔۔٭رویل نیوز٭

اسلام آباد (نمایندا رویل) شوگر ملز ایسوسی ایشن دا کہنااے کہ وزارت صنعت ولوں 63 رُپئے فی کلو کھنڈ فراہمی دی سفارش دی کوئی قانونی بنیاد نہیں اے۔ وسیلیاں دے مطابق پاکستان شوگر ملز ایسوسی ایشن نے وزارت صنعت و پیداوار نُوں یوٹیلیٹی سٹورز لئی سستی کھنڈ فراہمی اُتے جواب دے دِتا اے تے کہیا اے کہ یوٹیلیٹی سٹوراں نُوں 63 رُپئے فی کلو کھنڈ نہیں دے سکدے‘ سفارش دی کوئی قانونی بنیاد نہیں اے‘ عدالتی حکم دے مطابق 2 ہفتیاں لئی 60 ہزار ٹن کھنڈ 70 رُپئے فی کلو ریٹ اُتے چُکن دا بندوبست کرو‘ وفاقی حکومت ولوں انتظامات نُوں حتمی شکل دین تک شوگر ملز نان کمرشل صارفین نُوں از خُد 70 رُپئے فی کلو کھنڈ دین گیاں۔