انگلینڈ دی ٹیم وچ شامل نہ ہوون دا دُکھ اے،  محنت نال ٹیم وچ تھاں بنان دی کوشش کراں گا: سہیل تنویر۔۔۔٭رویل نیوز٭

کراچی (نمایندا رویل فاسٹ بولر سہیل تنویر دا کہنا اے کہ محنت نال ٹیم وچ اپنی تھاں بنان دی کوشش کراں گا۔ ویڈیو لنک راہیں میڈیا نال گلبات کردیاں ہویاں فاسٹ بولر سہیل تنویر نے کہیا کہ دورا انگلینڈ وچ خالی سٹیڈیم تے اکلاپے دوران سوشل میڈیا دے بُہتے استعمال نال کھڈاریاں اُتے بُہتے حملے ہو سکدے نیں‘ بکیز کھڈاریاں نال رابطے لئی سوشل میڈیا دا استعمال کردے نیں‘ دورا انگلینڈ وچ ہر کھڈاری نُوں ہُشیار تے محفوظ رہنا پوے گا جدوں تک کھڈاری نہ چاہوے بکیز اپنے مقصد وچ کامیاب نہیں ہو سکدے۔ سہیل تنویر نے کہیا کہ دورا انگلینڈ لئی پاکستان ٹی وچ شامل نہ ہون دا دُکھ اے پر مطمین آں کہ سلیکٹرز ن دورے لئی میرے ناں اُتے غور کیتا۔