گلوکار رحیم شاہ و ی کرونا وایرس دا شکار ہو گئے ۔۔۔٭رویل نیوز٭

پشاور (نمایندا رویل) گلوکار رحیم شاہ وی کرونا دا شکار۔ وسیلیاں مطابق عالمی وباء کرونا وایرس نے لوکائی دے نال سیاسی تے سماجی آگوواں نوں وی خوف وچ مبتلا کر رکھیا اے تے آئے دن معروف شخصیات وچ کرونا دی تشخیص ہو رہی اے‘ ہُن معروف پاکستانی گلوکار رحیم شاہ وی کرونا وایرس دا شکار ہو گئے نیں۔ رحیم شاہ دے منیجر مطابق گلوکار وچ کرونا دے حوالے توں واواہ علامتاں نمایاں سن‘ اوہناں نے احتیاطن کرونا ٹیسٹ کروایا جہدا رزلٹ مثبت آیا۔ جہدے بعد اوہناں نے اپنے آپ نُوں گھر وچ کلا کر لیا اے‘ ڈاکٹر نے احتیاطی تدبیراں دے نال 24 گھنٹیاں تک انتظار دیاں ہدایتاں کیتیاں نیں تے مشورا دِتا اے کہ جے اوہناں دی طبیعت بہتر نہ ہوئی تے اوہناں نُوں ہسپتال داخل کیتا جاوے گا۔