آٹا مہنگا:لاہور سنے پشاور وچ وی آٹا غایب‘ 20 کلو 980 دا ہو گیا۔۔۔٭رویل نیوز٭

پشاور (نمایندا رویل) لاہور تے پشاور وچ آٹے دا بحران کرڑا‘ دُکاناں توں آٹا غایب‘ 20 کلو توڑے دا مُل 980 رُپئے ہو گیا‘ انتظامیا چُپ۔ قومی وطن پارٹی دے صوبائی چیئرمین تے پچھلے صوبائی وزیر سکندر حیات خان شیر پاؤ نے کہیا اے کہ آٹے دیاں قیمتاں وچ وادھا تے نایابی نے غریب لوکائی توں جین دا حق وی کھوہ لیا تے غریب لوکائی فاقا کشی اُتے مجبور ہو گئی اے۔ اوہناں نے کہیا کہ حکومت تے اپنی لوکائی لئی مسیحا ہوندی اے پر حکمراناں دیاں ناکام پالیسیاں دی وجھا توں ملک دی لوکائی بھُکھی مر رہی اے تے اوہ آپ شیشے دے محلات وچ بَہ کے اخباری بیاناں تے پریس کانفرنساں اُتے بھروساکر رہے نیں۔