شاہد خان آفریدی دے وینٹی لیٹر اُتے چلے جان دیاں خبراں بے بنیاد نیں: ترجمان نصر اللہ۔۔۔٭رویل نیوز٭

کراچی (نیوز ڈیسک) کرونا وچ مبتلا ہون والے شاہد آفریدی دے وینٹیلیٹر اُتے چلے جان دیاں جھوٹھیاں خبراں سوشل میڈیا اُتے گردش کر رہیں نیں‘ ایس حوالے توں جدوں شاہد آفریدی دے ترجمان نصر اللہ نال ربطا کیتا گیا تے اوہناں دا کہنا سی کہ شاہد آفریدی خیریت نال نیں۔ نصر اللہ نے کہیا کہ شاہد آفریدی دے حوالے توں خبراں بے بنیاد نیں تے ایہناں وچ کوئی سچائی نہیں‘ کرونا وایرس وچ مبتلا ہون دے بعد اکلاپے وچ شاہد آفریدی گھر اُتے آرام کر رہے نیں۔ یاد رہوے کہ پاکستان وچ کرونا اپنی ٹیسی اُتے پہنچ چکیا اے جہدے نال مَوتاں وچ وادھا ہوندا جا رہیا اے جد کہ روگیاں دی گنتی2 لکھ تک اپڑن والی اے۔