وزیر اعلا پنجاب نال ارکان صوبائی اسمبلی دی ملاقات،کرونا کھلار گھٹ کرن لئی لوکائی دی مدد دی لوڑ ……٭رویل نیوز٭

لاہور (نمایندا رویل) وزیر اعلا پنجاب عثمان بزدار نے کہیا اے کہ کرونا دا کھلار گھٹ کرن لئی لوکائی دا بھرواں تعاون بے حد ضروری اے‘ ماسک تے سماجی فاصلا اپنان نال کرونا توں بچاء ممکن ہووے گا۔ وزیر اعلا پنجاب نال مختلف ضلعیاں دے ارکان صوبائی اسمبلی نے ملاقات کیتی۔ ایس موقع اُتے عثمان بزدار دا کہنا سی کہ کرونا دے کارن بُہتے متاثرا علاقیاں نُوں بند کر دِتا گیا اے‘ کرونا کیس ختم ہون اُتے بند کیتے گئے علاقیاں نُوں کھول دِتا جاوے گا‘ لوکائی ماسک پائے تے سماجی فاصلے دی پابندی نُوں اپنا شعار بنائے۔ عثمان بزدار نے ہور کہیا کہ پنجاب وچ کرونا دے مکمل خاتمے تک چین نال نہیں بَہواں گے‘ کرونا دے نال احتیاطی تدبیراں اپنا کے معمولات زندگی سر انجام دِتے جا سکدے نیں۔