یاسمین راشد نا اہل نیں‘ استعفا دین: عظمیٰ بخاری  ……٭رویل نیوز٭

لاہور (نمایندا رویل) پاکستان مسلم لیگ (ن) وزیر صحت پنجاب ڈاکٹر یاسمین راشد توں استعفے دا مطالبا کر دِتا۔ مسلم لیگ (ن) پنجاب دی ترجمان عظمیٰ بخاری دا کہنا سی کہ یاسمین راشد ہور اپنے عہدے اُتے رہن دے اہل نہیں رہے۔ اوہناں دا کہنا سی کہ یاسمین راشد بطور وزیر صحت پنجاب ناکام وزیر ثابت ہوئے نیں‘ اوہناں نُوں استعفا دے دینا چاہیدا اے۔ عظمیٰ بخاری نے کہیا کہ پاکستان تحریک انصاف دی قیادت نے قوم دی تذلیل تے ملک نُوں بحراناں دے سوا کجھ نہیں دِتا۔ اوہناں نے ہور کہیا کہ ایہو جہے لوکاں دا ملک اُتے ہور مسلط رہنا ملک تے قوم لئی خطرے د ا کارن اے۔ عظمیٰ بخاری دا کہنا سی کہ جہالت تے تنگ نطری وچ ڈُبی پی ٹی آئی جاہلاں دا جتھا اے۔