بارہویں جماعت (2)۔

بارہویں جماعت ( 2)

تصوّف تے پنجابی زبان/ڈاکٹر سرفراز حسین قاضی

(سوال 11توں 40)

س11۔بابا فرید الدین مسعود گنج شکرؒ اپنے کلام وچ کیہ تلقین کردے نیں؟

ج۔آپ نے اپنے شعراں وچ عبادت دے نال نال صبر تے شُکر دی تلقین کیتی اے۔

س12۔مُغل دور دے اہم شاعر کہڑے نیں؟

ج۔ شاہ حسینؒ ۔ سلطان باہوؒ۔ بُلھے شاہ ؒ۔

س13۔انگریز دور دے دو صوُفی شاعر کہڑے نیں؟

ج۔ میاں محمد بخش ؒ۔خواجہ غلام فریدؒ

س14۔شاہ حسین کہڑے فرقے نال تعلق رکھدے سن؟

ج۔شاہ حسین ہوریں ملامتیہ فرقے نال تعلق رکھدے سن۔

س15۔شاہ حسین نے پنجابی نوں کہڑی نویں صنف دِتی؟

ج۔کافی

س16۔شاہ حسین ؒ کس فلسفے دے قائل سن؟

ج۔ شاہ حسین ؒوحدت الوجود دے قائل سن۔

س17۔شاہ حسینؒ دیاں کافیاں دی خاص پچھان کیہ اے؟

ج۔شاہ حسین ؒدیاں کافیاں وچ جذب دی کیفیت توں وکھ درد نال بھریاں کافیاں نیں۔

س18۔شاہ حسین ؒ ہوراں نے کہڑیاں علامتاں ورتیاں؟

ج۔چرخہ،تکلا،ماہل،تند،پُونی

س19۔چرخے توں شاہ حسینؒ کیہ مُراد لیندے نیں؟

ج۔شاہ حسین ؒ کول چرخہ جسم دی علامت اے تے کتّن توں مُراد نیک عمل کرنا اے۔

س20۔سی حرفی کیہ اے؟

ج۔سی دا مطلب اے تیہ(30)،چو مصرعیاں نوں حروف تہجی دی ترتیب نال شروع کردے نیں جویں فارسی وچ رباعی اے۔

س21۔سی حرفی دے موڈھی شاعر کہڑے نیں؟

ج۔ سی حرفی دے موڈھی شاعرسلطان باہوؒ نیں۔

س22۔سلطان باہو ؒ دے کلام دی کیہ خوبی اے؟

ج۔سلطان باہو نے اپنے کلام وچ دُنیا توں نفرت،مرشد نال عقیدت تے نفس نوں مارن اُتے زور دِتا اے۔

س23۔سلطان باہو ؒ دے مُرشد بارے کیہ وچار نیں؟

ج۔سلطان باہو ؒ مُرشد نال عقیدت نوں پہلی شرط قرار دیندے نیں اوہ آکھدے نیں کہ مُرشد دا دیدار اوہناں واسطے لکھاں کروڑاں حجاں دے برابر اے تے مُرشد اوہ ای ہوندا اے جو ہدایت والے پاسے لے جاوے۔

س24۔بابا بلھے شاہؒ کس فلسفے دے قائل سن؟

ج۔وحدت الوجود تے وحدت الشہود

س25۔بابا بلھے شاہ دیاں کافیاں دا کیہ لہجہ اے؟

ج۔بابا بلھے شاہ نے اپنیاں کافیاں وچ بے باک لہجہ ورتیا اے۔

س26۔سیف الملوک ‘کس دی تصنیف اے؟

ج۔میاں محمد بخشؒ

س27۔سیف الملوک وچ عشق دے فلسفے اُتے کِنے شعر نیں؟

ج۔114 شعر

س28۔”استغنا“ توں کیہ مُراد اے؟

ج۔استغنا توں مُراد اے بے نیاز ہو جانا نہ چنگی تے اِترانا نہ مندی تے گھبرانا۔

س29۔دو ہفت زبان شاعراں دے ناں لکھو؟

ج۔ ہفت زبان توں مراد ست زباناں وچ شاعری کن والا ہوندا اے تیسچل سرمست ؒ تے خواجہ غلام فرید ؒ دو ہفت زبان شاعر نیں۔

س30۔خواجہ غلام فرید ؒنے ”روہی“ نوں کس دی علامت بنایا اے؟

ج۔آپ نے روہی نوں وصل(ملاپ) دی علامت بنا کے ورتیا اے۔

س31۔میاں محمد بخشؒ ہوراں کول تصوف دی اک انوکھی منزل اے کہڑی؟

ج۔میاں محمد بخش ؒہوراں کول ”حیرت“ دی منزل اے ایہ منزل کسے صوفی نوں اودوں مِلدی اے جد اوہ سلوک دیاں ساریاں منزلاں حاصل کر کے اپنے رب نوں ساہمنے ویکھدا اے۔

س32۔سی حرفی دے دو شاعراں دے ناں لکھو؟

ج۔سلطان باہو ؒ۔علی حیدر مُلتانی ؒ

س33۔”بن دِلبر شکل جہان آیا“ دا دوجا مصرعہ لکھو؟

ج۔ ہر صورت عین عیان آیا

س34۔روایتی تصوّف کہڑے شاعراں کول مِلدا اے؟

ج۔وارث شاہ۔مولوی غلام رسول عالمپوری۔پِیر فضل گجراتی

س35۔”جنگ نامہ“ کس دی تصنیف اے؟

ج۔ دائم اقبال دائم

س36۔ ”احسن القصص“ دے لکھاری دا ناں دسو؟

ج۔مولوی غلام رسول عالمپوری

س37۔خواجہ غلام فرید ؒ کہڑے علماں دے ماہر سن؟

ج۔خواجہ غلام فرید ہوریں فقہ،تفسیر،حدیث،منطق،علم الانساب،رمل تے نجوم دے نال نال موسیقی وچ وی دلچسپی رکھدے سن۔

س38۔بابا فرید مسعود گنج شکر ؒ دے سمکالی(ہم عصر،اکو زمانے وچ رہن والے)شاعر دا ناں لکھو؟

ج۔شاہ شمس سبز واری ہوریں بابافرید دے سمکالی سن۔

س39۔بابا فرید مسعود گنج شکر ؒ دا کوئی اجہیا شلوک لکھو جہدے وچ صبر تے شکر دا ذکر ہووے؟

ج۔رُکھی سُکّی کھاءِ کے ٹھنڈا پانی پی

فریدا ویکھ پرائی چوپڑی نہ ترسائیں جی

س40۔مست الست رہن والے پنجابی صُوفی شاعر دا ناں لکھو؟

ج۔شاہ حسینؒ ہوریں مست الست بزرگ سن اوہناں اُتے جذب دی کیفیت رہندی سی تے ایہی جذبہ اوہناں دیاں کافیاں وچ وی موجود اے۔