kraamaat@gmail.com
+ +92 333-430-6384


پنجابی زبان دی لہو چ ڈُبی پکار۔ ۔٭رویل٭


ڈاکٹر ذوالفقار راجپوت June 23, 2020


پنجابی زبان دی لہو چ ڈُبی پکار۔ ۔٭رویل٭

ڈاکٹر ذوالفقار راجپوت

میں تہاڈی پچھان آں،

میرا قتل عام کیوں ؟

میں جاندی آں تہانوں ساریاں نوں میرے نال محبت اے ،میں تہاڈا ادب آں تہاڈی ثقافت آں شاعری آں تے فیر میرے نال جو سلوک ہوریا اس تے تسیں خموش کیوں او ؟

تسیں میرے الفاظ نوں روز اپنی تحریراں دا حصا بناندے او، شاعری کردے او،لیکن میری ہی پچھان دے خاتمے تے خاموش او ۔ تسیں میرے قتل چ برابر دے شریک او۔

جدو ں ڈھگے میرے تے لسانیت دا الزام لاندے نیں

جاہلاں دی زبان کہندے نیں

کدی تسیں سوچیا ؟؟ کیہ بابا بلھے شاہ وارث شاہ جاہل سن جو میرے رسم لخط چ اپنی فکر نال عالم انسانیت دی آبیاری کردے سن۔

تسیں اپنے علمی اور بزرگاں دی روایات نوں رسوا کر رہے او

تسیں اپنی عظیم تہذیب نو مٹا رہے ہو ۔

اپنی زبان دی محبت اور مٹھاس نو مٹا رہے ہو ۔

اپنے احساس کمتری جھالت نو میرے سر منڈھ رے او۔

تسیں صوفیا دی توہین کر رہے او۔

اگر تسیں اے سبھ کچھ برداشت کر رے او تو پھیر تسی اک قوم کہلان دے قابل نہیں ہو ، تہاڈی خُدی مُردا اے ۔اگر تہاڈا احساس مُردا نہیں تے اے تہاڈے اُٹھ کھلون دا ویلا اے۔

تہانوں ، میرا قتل عام روکنا پوے گا ،مینوں اپنی زبان سمجھ کے اپنانا ہوے گا ،مینوں میرا مقام دینا ہوے گا ، اُردو دی بھینٹ نا نہ چڑھاؤ ۔

میرے کولوں میرا احساس نہ کھوہو ۔

میری پچھان نہ کھوہو ۔

میری شان مت کھوہو ۔

میں تہاڈی پہچان آں

میں بلھے شاہ دا فرمان آں

میں پنجابی زبان آں

میں دنیا جہان آں

٭٭٭٭٭