kraamaat@gmail.com
+ +92 333-430-6384
کامران صدیقی
June 25, 2020
ویلے دی چال۔۔۔
کامران صدیقی
وڈے سُفنے،
ماڑی قسمت،
بے تاثیر نیں ہاواں سبھے،
بس لاچاری،
دنیاداری،
پیراں ہیٹھ دعاواں سبھے،
روندے ہاسے،
ہر اک پاسے،
کس نوں ذمے دار بنائیے،
پُر مزاجی،
بے نیازی،
اوہنوں کیہ جے سبھ مر جائیے،
گونگیاں چیکاں،
روز فٹیکاں،
ساڈے ہون دے رونے نیں سبھ،
جھوٹھے لارے،
دور کنارے،
راہبر وی تے بونے نیں سبھ۔۔۔۔۔
اپنے ایس خیالاں وانگوں،
کھِلرے، بے توقیرے ہوئے،
گوبر دے جو اُپلے سی سبھ،
اج انملے ہیرے ہوئے۔۔۔۔۔۔
٭٭٭٭٭
نروان۔۔۔۔
پتا نہیں کیہ لکھنا سی،
پتانہیں کیہ لکھنا اے،
پر ایہ پتااے کہ،
ایہ سارے راہبر،
جو اپنے آپ نوں دیوتا جانن،
فریبی نیں، دوزخی نیں،
ایہناں گِدھّاں نے،
کئی لکھاں روحاں نوچ لئیاں،
پر فیر وی مسیحا مشہور نیں۔۔۔۔
٭٭٭٭٭
