ملک وچ امن لئی ہر ممکن قدم چُکاں گے: آرمی چیف ……٭رویل نیوز٭

راولپنڈی (نمایندا رویل) پاک فوج دے سپا سالار جنرل قمر جاوید باجوا دا کہنا اے کہ اندرونی تے بیرونی چیلنجز نال نبڑن لئی ریاستی اداریاں دا مضبوط ہونا ضروری اے۔ ایہناں خیالاں دا اظہار آرمی چیف نے نیشنل ڈیفنس یونیورسٹی اسلام آباد دے دورے دے موقع اُتے کیتا۔ یونیورسٹی آمد اُتے لیفٹیننٹ جنرل محمد سعید نے آرمی چیف دا استقبال کیتا۔ آئی ایس پی آر دے مطابق پاک فوج دے سپاسالار رلتیاں نال خطاب وچ کہیا کہ سارے درپیش چیلنجز جامع قومی حکمت عملی دا تقاضا کردے نیں‘ پاک فوج ملک وچ امن لئی ہر ممکن قدم چُکے گی‘ ملکی معاشی تے سماجی ترقی لئی پاک فوج مسلسل کوشاں رہوے گی‘ عوام دی حمایت دے نال ملکی دفاع لئی ہر ویلے تیار آں۔ اوہناں دا کہنا سی کہ ملک دے دفاع تے سیکیورٹی لئی قومی حمایت دے نال اپنا فرض ادا کردے رہوے گے۔ ملک وچ دیر پا محفوظ ماحول دین لئی پاک فوج ہر ممکن کوشش کردی رہوے گی۔