نعت/راقب قصوری

نعت /راقب قصوری

س1۔نعت دی تعریف کرو؟

ج۔نعت اجہی نظم نوں آکھدے نیں جہدے وچ خاتم النبین حضور پاک ﷺ دی تعریف بیان کیتی جاوے۔

س1۔راقب قصوری کدوں تے کِتھے پیدا ہوئے؟

ج۔آپ دی پیدائش ضلع قصور وچ1883ء نوں ہوئی۔

س2۔راقب قصوری ہوراں نے اپنی زندگی دا کیہ مقصد بنایا؟

ج۔راقب قصوری ہوراں نے حضور پاک ﷺ دی مدح نوں بیان کرنا اپنی حیاتی دا مقصد بنایا۔

س3۔راقب قصوری ہوراں دیاں کتاباں دے کیہ ناں نیں؟

ج۔1۔مولا دی منظوری2۔ نبی پاک ﷺ دی دُوری3۔مدینے پاک دی کستوری4۔روضے پاک دی چُوری

س4۔راقب قصوری دی نعت گوئی دیاں خوبیاں بیان کرو؟

ج۔آپ دیاں نعتاں وچ روضۂ مبارک اُتے حاضری دی خاہش بڑی مچلدی اے۔اوہ ہر ویلے مدینے دی حضوری واسطے تڑفدے رہندے سن۔

س5۔سرہند دے قیام دوران آپ دے جیون وچ کیہ تبدیلی آئی؟

ج۔سرہند وچ قیام دوران راقب قصوری دے دل وچ نبی آخر الزماں ﷺ نال محبت ،چاہت تے عقیدت دے جذبے اک خاص لگاؤ دے تحت جاگے تے اوہناں نے آقا ﷺ دی مدح مبارک نوں حیاتی دا مقصد بنا لیا۔

س6۔راقب قصوری دیاں نعتاں نوں کس کھوجکار نے اکٹھا کر کے چھپوایا؟

ج۔راقب قصوری دیان نعتاں نوں ڈاکٹر شہباز ملک ہوراں نے جمع و تدوین کر کے چھپوایا اے۔

س7۔پنجابی وچ نعت دے حوالے نال آپ دا خاص کارنامہ کیہ اے؟

ج۔راقب قصوری ہوراں نے پنجابی وچ پہلی واری نعت نوں اک وکھری صنف سخن دے طورتے اختیار کیتا تے کئی نعتیہ مجموعے پیش کیتے سن۔

س8۔راقب قصوری دی وفات کدوں ہوئی؟

ج۔آپ دی وفات1936ء نوں ہوئی۔