بھارت دی 8 لکھ فوج 80 لکھ کشمیریاں اُتے منصوبا بندی نال ظلم کر رہی اے،‘ ازادی مارچ نے کشمیر کاز نُو ں نقصان اپڑایا: عمران خان……٭رویل نیوز٭

مظفر آباد (نمایندا رویل) وزیراعظم عمران خان نے کہیا اے کہ 5 کشمیر کاز پوری دنیا وچ چُک رہیا سی‘ پوری دنیا دے میڈیا دی توجا کشمیر ول سی کہ اچانک اِک مولانا صاحب ازادی مارچ لے کے آ گئے‘ ازادی مارچ نے کشمیر کاز نُوں نقصان پہنچایا‘ اسیں دُبارا 5 اگست توں پہلے پوری دنیا وچ مسئلا کشمیر بھرویں طریقے نال اُجاگر کراں گے‘ مودی عام بندا نہیں نفسیاتی روگی اے‘ ایہ آر ایس ایس دی پیداوار اے‘ مودی مقبوضا کشمیر وچ نسل کشی ول جا رہیا اے۔ وزیراعظم نے ایہناں خیالاں دا اظہار ازاد کشمیر دے اِک دنا دورے اُتے مظفر آباد پہنچن اُتے اِک تقریب نال اپنے خطاب وچ کیتا۔ وزیراعظم نے مقبوضا کشمیر وچ بھارتی مظالم دی شدید نندیا کیتی تے کہیا کہ میں دنیا نُوں آر ایس ایس تے اوہناں دے مظالم توں اگاہ کیتا‘ ایہ مقبوضا کشمیر وچ نسل کشی ول جا رہے نیں‘ آر ایس ایس والے ہٹلر دی نازی پارٹی نُوں رول ماڈ ل سمجھدے نیں‘ مودی دی جماعت بھارتیا جنتا پارٹی آر ایس ایس دی پیداار اے‘ مودی نے گجرات وچ وی مسلماناں اُتے ظلم کیتا‘ سوانیاں نال زیادتیاں کیتیں گئیاں‘ بھارت دی 8 لکھ فوج 80 لکھ کشمیریاں اُتے منصوبا بندی نال ظلم کر رہی اے‘ آر ایس ایس تے انتہا پسند مودی دی حکومت مقبوضا کشمیر وچ ظلم کر رہی اے۔ وزیراعظم نے کہیا کہ 12 لکھ کشمیریاں نُوں ازاد کشمیر وچ صحت کارڈ ملے گا‘ جہڑے ایل او سی اُتے مشکل زندگی لنگھا رہے نیں اوہناں دی مدد کرن اُتے فخر اے‘ احساس پروگرام نال 1 لکھ 38 ہزار خاندان نُوں پیسے ملن گے۔ اوہناں نے کہیا کہ بھارت وچ جو مسلماناں نال ہور ہیا اے اوہ ای ہٹلر نے یہودیاں نال کیتا سی‘ میں کہیا سی کہ میں کشمیر دا سفیر بناں گا‘ میں دنیا نُوں دَسیا کہ آر ایس ایس کون نیں۔ ہندستان وچ اصل وچ مسلماناں نُوں ٹارگٹ کیتا جاندا اے‘ مودی اصل وچ تباہی ہندستان دی کر رہیا اے‘ ایہ لوک مقبوضا کشمیر دے لوکاں نُوں طاقت نال ڈرا رہے نیں‘ ایہناں دے ظلم نال کشمیر دی موومنٹ دُبارا توں اُتے آ جاندی اے‘ بھارت دے پڑھے لکھے بندے وی سمجھ رہے نیں کہ مودی تباہی ول ملک نُوں لے جا رہیا اے‘ بھارت خوف تے دہشت کھلار کے ڈران دی کوشش کر رہیا اے‘ بھارت اپنی ایس کوشش نال کشمیریاں نُوں ڈرا نہیں سکدا‘ مقبوضا کشمیر دے حالات ساری دنیا دے ساہمنے لیاواں گا۔ وزیراعظم نے کہیا کہ مقبوضا کشمیر دے مسئلے اُتے ہر ملک دے آگو نُوں اگاہ کردا آں‘ اسیں مسئلا کشمیر اقوام متحدا وچ چُکیا‘ پوری دنیا دی میڈیا دی توجا سی‘ کشمیر دا کا ز پوری دنیا وچ اُٹھ رہیا سی کہ اِک صاحب ازادی مارچ لے کے آ گئے‘ ازادی مارچ نے کشمیر کاز نُو ں نقصان پہنچایا‘ اسیں دُبارا پوری دنیا وچ کشمیر دا مسئلا چُکاں گے۔ اوہناں نے ہور کہیا کہ مشکل حالات وچ وی ازاد کشمیر دا بجٹ ودھایا اے گھٹ نہیں کیتا‘ ازاد کشمیر‘ فاٹا‘ بلوچستان تے گلگت بلتستان دا بجٹ ودھاواں گے‘ 5 اگست تک اسیں دُبارا کشمیر دا مسئلا چُکاں گے‘