پارٹی اندر کسے قسم دی کوئی ونڈ یاں اختلاف نہیں: عمران خان ……٭رویل نیوز٭

اسلام آباد (نمایندا رویل) وزیراعظم عمران خان دا کہنا اے کہ تحریک انصاف وچ کسے قسم دی کوئی ونڈ یاں اختلاف نہیں‘ اپنے نقطا نظر لئی خیالاں دے اظہار دی ازادی ہر اِک نُوں حاصل اے‘ کرونا دی وباء دی وجھا توں اراکین پارلیمنٹ دے ترقیاتی فنڈز روکے جویں ای معاشی صورتحال چنگی ہووے گی‘ ترقیاتی فنڈز جاری کر دِتے جان گے۔ وزیراعظم نے ایہناں خیالاں دا اظہار جمعے نُوں پارلیمنٹ ہاؤس وچ تحریک انصاف تے اوہدیاں اتحادی جماعتاں دے اراکین پارلیمنٹ نال گلبات کردیاں ہویاں کیتا۔ ایس موقع اُتے ارکین پارلیمنٹ ولوں شکایت پاروں وزیراعظم نے کہیا کہ حکومت نے کرونا وباء دی وجھا توں متاثرا غریب طبقے ول خصوصی توجا دِتی جہدے کارن ترقیاتی فنڈز جاری نہیں کر سکے‘ چھیتی جاری کر دواں گے۔