ویزیاں دی ضمانت‘ پاکستانی منگ اُتے بھارت بھڑک گیا…… ٭رویل نیوز٭

نویں دِلی (نمایندا رویل) عالمی ایونٹس لئی ویزیاں دی ضمانت دے پاکستانی مطالبے اُتے بھارت بھڑک گیا جد کہ اِک آفیشل نے کہیا کہ جدوں حکومتاں نُوں کھیڈ وچ مداخلت دی اجازت نہیں تے پی سی بی کیوں حکومتی معامکلات وچ دخل اندازی کر رہیا اے‘ اوہناں نُوں آئی سی سی وچ موجود اِک بندے دے ایجنٹ دا کردار ادا نہیں کرنا چاہیدا اے۔ یاد رہوے کہ پاکستان کرکٹ بورڈ دے چیف ایگزیکٹو وسیم خان نے اپنے اِک انٹرویو وچ واضح کیتا سی کہ اسیں بھارت وچ 2021 وچ شیڈول ٹی 20 ورلڈ کپ تے 2023 دے ون ڈے کپ وچ اپنے سکواڈز دی رلت لئی ویزیاں دی گارنٹی منگی اے‘ ماضی وچ ساڈے کھڈاریاں نُوں ویزے نہیں دِتے گئے سن۔