ؔغزل/سلیم نجمی

غزل / سلیم نجمی

بھُلیا نہیں اے نقشا اوہناں تھاواں دا

قتل ہویا سی جتھے میرے چاواں دا

مطلب مگروں سجن دُشمن بن جاندے

کوڈی مُل نہیں پیندا ویکھ وفاواں دا

عیب لکائی رکھن کِنج کِنج پُتراں دے

دھن جگرا اے ویکھ لے وِیرا ماواں دا

سارے جگ دے بدل کٹھے کر کے وی

"ڈکیا نہیں سو جانا زور ہواواں"

ایتھے جِہنوں کڈھ لیائیے دُھپاں چوں

اوہیو وَیری بن جاندا اے چھاواں دے

خورے کہڑی واپر گئی اے شہراں تے

اٹھے پہریں رہندا خوف بلاواں دا

نجمیؔ اود وں لوک صلاحواں کردے نیں

لنگھ جاندا اے جِسلے دَ ور صلاحواں دا

٭٭٭٭٭