ثانیہ شیخ ہوراں دا سجرا کلام ـــ----٭رویل ٭

پیار دا مہاندرا

سُنیا ای نا

امرتا نے ساحر دا

مُکھ اجہیا پُوجیا

کہ اوس دی کُکھ 'چ

اوس دے پُت نے اوہو

نین تے نقش اُبھارے

اوس نے اپنی تپسیا نال

اپنی محبت نوں مُورت کر لیا

سُندا ایں!!

٭٭٭٭٭

سنگلی

شاید کوئی

سنگلی ڈِھلی رہ گئی سی

میرے اندروں میں

نکل کے نسّی گئی

روئی گئی تے ہسی گئی

٭٭٭٭٭

چٹےّ دُدھ پتاسے نوں

چُم لاں تیرے ہاسے نوں

لاج فقیری نوں نہ لا

پُٹھا کر دے کاسے نوں

٭٭٭٭٭

مہندی مہندی مہندی

ماہی ویڑھے پیر دھردا

میرے دھمک کالجے پیندی

٭

ونگاں ونگاں ونگاں

نت تیری خیر منگدی

میں چُنیاں بسنتی رنگاں

٭

گانی گانی گانی

دل وچ پُھل کِھڑ پیے

یاد آئی اکھ مستانی

٭

کاواں کاواں کاواں

متراں نوں دے درشن

تیری ہوون دُور بلاواں

٭

ساہواں ساہواں ساہواں

رنگ تیرا اُڈ جاوے

جے میں انبرا نیل وکھاواں

٭٭٭٭٭