سٹاک ایکسچینج اُتے حملے دے ماسٹر مائنڈ دا پتا لگ گیا……٭رویل نیوز٭

کراچی (نمایندا رویل) سیکیورٹی اداریاں نے پاکستان سٹاک ایکسچینج اُتے حملا کرن والے دہشتگرداں دے ماسٹر مائنڈ دا پتا لا لیا اے۔ سیکیورٹی وسیلیاں دے مطابق کالعدم تنظیم دا بشیر زیب نامی کمانڈر دہشتگرد حملے دا ماسٹر مائنڈ اے۔ بشیر زیب ہلاک دہشتگرد اسلم اچھو دے بعد کمانڈر بنیا سی۔ اسلم اچھو چائنیز قونصلیٹ اُتے حملے دا ماسٹر مائنڈ سی۔ کالعدم تنظیم نے بھارتی خفیا ایجنسی ”را“ دی فنڈنگ نال چائنیز قونصلیٹ اُتے حملا کیتا سی۔ وسیلیاں دا کہنا اے کہ پاکستان سٹاک ایکسچینج اُتے حملے وچ ”را“ فنڈنگ دے شواہد ملے نیں۔ دہشتگرد بشیر زیب اپنے سنگی اللہ نظر نال افغانستان دے شہر قندھار وچ اے۔ وزیر داخلا اعجاز شاہ نے ایس عزم دا اظہار کیتا اے کہ حملے وچ ملوث بندیاں نُوں کیفر کردار تک پہنچایا جاوے گا۔